قصة الموقع

 

من فترة طويلة مش فاكر من امتى تحديدا قررت أعمل موقع كان اسمه وقتها not only a math teacher 

وكان الاسم المقصد منه إني بجانب إني مدرس رياضيات أنا عايز أقول لطلابي أشياء أخرى كثيرة وقلت أخلي الموقع لهذا الهدف.

الوقت بيخلص بسرعة في المدرسة وعايز افيد الطلاب بحاجات كثييييييرة زي مثلا:

• لماذا نتعلم الرياضيات؟
• كيف نذاكر بشكل أفضل؟
• كيف نفكر؟
• تطبيقات عملية على ما تم دراسته.

لكن لم يتيسر لي إنشاء الموقع بالكامل.

بعدها قلت خلاص اعمل مدونة بشكل مؤقت

وفعلا عملتها بنفس الاسم السابق 

لكن نسيت الاكونت بتاع Gmail 😅😅

بعد كده الموضوع كبر في دماغي وبقى مشروع كبير

وقلت لازم ابدأ حتى لو بمدونة بسيطة وبعدها اتم الموقع إن شاء الله.

واسم المدونة Guru's Hut

طبعا hut معروفة يعني كوخ

Guru بقى لها معاني من ضمنها: معلم 

ولكنه أعمق من مجرد مدرس 

والمعني على بعضه: بعيدا عن زخم الدنيا ودوشة الحياة هنا كوخ هادي نتعلم فيه مع بعض بشكل أفضل كيف نكون قادة الدنيا.

طيب ده قصة الموقع أو المدونة ومعنى الإسم.

هتقدم إيه بقى يا سي جورو guru ؟؟؟

محتويات الموقع:

ركن الرياضيات

ركن التربية والتعليم 

ركن علم المواقيت 

ركن التكنولوجيا 

ركن الكتب

 

طبعا هنا حد ممكن يسأل ( إيه إللي جاب القلعة جنب البحر؟ )

أولا: ده مدونة يعني أرغي براحتي

ثانيا: نحكي الحكاية من الأول 🙂

تقريبا من فترة الثانوية العامة وأنا بدأت أشعر أني بحب أعمل أكثر من شئ في نفس الوقت.

طبعا ناس كثيرة كانت بتقول إن هذا خطأ!!

وأن صاحب بالين كذاب!!

لكن طلع أن صاحب بالين مش شرط يكون كذاب

وأن هناك ناس لا تنتج بشكل أفضل إلا بهذا الشكل

وهم: متعددي الشغف 

أو كما تقول عنهم (باربرا شير) متعددي المواهب في كتابها:

إدارة الأولويات لمتعددي المواهب والقدارات 

وعلشان الموضوع ميكبرش مني جدا قررت احدد 

أربع اتجاهات فقط اتنقل  بينهم للوصول لحلمي.

الأربع اتجاهات هم: رياضيات، تربية، مواقيت، تكنولوجيا

ولمزيد من التفاصيل حول الموقع تجده في هذا المقال